How To Improve Marriage - Tips

Jab aap smile karein gey to aap ki tensions kam hongi aur aap apney ander khushi ki lehar feel karein gey. 51. Aap woh kam naa karein jo biwi ko naa-pasand hun like socks idhar udhar phaenkna, apney kaprey utar kar sambhaal kar naa rakhna, wet towel bathroom mein chor dena. Iss sey biwi ko koft hogi, iss tarah ki choti choti baatein relations ko kharab karti hain. 52. Ahem gharelu aur family matters mein ek doosrey sey mashwara karein. Sometimes mashwarey sey aisi faidamand baatein samney aati hain jin ki taraf pehley dheyan naa gayaho. 53. Biwi sey kabhi jhoot naa bolein. Islam mein jhoot bolna haram hai. Biwi ko cheat naa karein, us ko dhoka naa den. Kisi aur aurat mein interest naa len. 54. Biwi kay sath daily gup shup karney kay liye 30 minutes nikalein. Apni feelings, khayalat aur dukh sukh iss kay saath share karein. Aurat ko baatein karna bohut pasand hota hai. Din kay end par iss sey poochein kay us ka din kaisa guzra, khas tor par woh aurtein jo job karti hain. Phir biwi ki baatein ghor sey sunein, achey relations kay liye yeh bohut zaroori hai. Laraee ki baatein naa karein. Ek doosrey kay problems sunein, hamdardi karein, iss ki tarafdari karein, us ko solutions naa bataein, sirf us ki baat ghor sey sunein.