Love Your Wife

71. Agar ho sakay to ghar kay kamo mein isski madadkarey. Khas tor per jab woh thaki ho. Agar woh bhi job karti ho to lazman aapko ghar kay kamo mein isski madadkarni chaiya. Aap ki tarhan woh bhi kam kar kay thag jaati hai. Aap ki madadsey issko bohto khushi hogi, woh apki qadar kareygi. Sunnaat bhi yehi hai. Hadees hai " jo apni biwi aur bachun kay ghar kay kamo mein madaad kareyga woh baghaer hisab jannaat mein jaeyga" 72. Mard biwi per apney faisley naa thusey, musallat naa karein, khas tor per ghar kay mamlat mein isski baat ko sunay. Mardon ko sunnay ki adat dalni chahiyie yeh inkay liye entehai zaroori hai. Iss adat ki madadsey woh apni zindagi mein clear tabdeli dekh saktey hain. Jab apkay ander apni biwi ko sunnay ki adat paida hogi to aap dekhaingai kay aap kis tarhan isskay naazdeek ek pasandeeda shakhsiyat ban jaeyngai, aap jitni bar inki baat sunayngai inkay naazdeeq apki ahmiyat etni hi barti jaeygi. 73. Biwi ka dil jeetney kay mazeed tareeqey. Agar woh aksar khanaa ghar mein pakaati hai yeh woh aapko thaki hui naazar arahi hai iss waqt isey kahi bahir khanaa khelanay ley jaeyn. Jab isey saharai ki zaroorat ho isswaqt issko ghalat tahrai baghaer issko sahara dejiya. Jab issko aap sey dukh pohchai to isski janib Mohabbat bhari naazron sey dekhain aur kahai kay mujhey iss pareshani kay liye maaf kardein.