jinsi tamul ka tareeqa

jinsi tamul ka tareeqa

Exploring Female Body

Iss kay liye zaroori hai kay aurat apney poorey jism ko mukhtalif andaaz sey explore karey maslan chuuna, sehlaana, thapthapana, bheenchna, kaatna, masaj karna, chuumna, chaatna waghaera aur janey kay uska konsa hissa kis tarah jinsi tor per jald mushta'il hota hai aur phir apney mian ko bataey kay woh usey kis tarah mushta'il karey taa kay woh bhi jald orgasm hasil karley.

Doosra tareeqa yeh hai kay khawand biwi kay saarey jism ko mukhtalif tarah sey explore karey maslan chuu'ey, sehlaaey, thapthapaey, bheenchey, kaatey, masaj karey, chuumey, chaatey waghaera iss doran biwi apni poori tawajja apney ehsaasaat per markooz karey aur mian ko bataey kay woh uss kay kis hissey ko kis tarah mushta'il karey. Usey bataey kay usey kya karna acha lagta hai, phir jab mian wahi kuch karey ga to woh azdawajii khushyo'n sey bharpoor lutf uthaey gii. Mahireen ka khayal hai kay bharpoor azdwajii khushyo'n kay liye khawand ka biwi kay jism ko dekhna aur jan'na bohut zaroori hai.

Biwi Ka Apney Jism Ka Jan'na

Iss mashq kay liye 30 minute sey ley kar 60 minute ek haftey kay liye rozana mukhtas karein, koshish karein kay iss doran koi aap ko disturb na karey apney kamrey mein chali jaein, kamrey ka temperature normal ho, na garmi ho na sardi, apney saarey kaprey bhi utaar lein. Ek barey aaeiney kay saamney kharey ho kar apney jism ka achi tarah jaeza lein, mukhtalif hisso'n ko dekhei'n kay kaisey lag rahey hain, apney khawand ki nazar sey dekhei'n, 10 minute kay ba'ad apney sarey jism per ungliya'n phaerein aur note karein kay kaisa lagta hai