Intercourse During Menses In Islam

Albatta istehaza mein na namaz maaf hai aur na rozey aur na hi haram hai. Mahwaari (menses) mein aurat kay sath mubashrat (Intercourse) haram hai. 1990 ki ek American research sey maloom hua kay (menses) mein mubashrat (Intercourse) sey husband aur wife donon ko aids waghaera lagney ka khatra bohut zyada hojata hai. (Stefan) agar mubashrat (Intercourse) kar li jaey to sakht gunah hai. Quran mein irshad hai kay "Aey mehboob tumsey Haez kay barey mein log sawal kartey hain tum farma do woh gandi cheez hai. To Haez mein aurton sey bacho. Inn sey qurbat na karo jab tak woh pak na ho lein. To jab pak ho jaein to unn kay paas uss jagah aoo jis ka Allah pak ney tumko hukum diya hai. Bey shak Allah dost rakhta hai toba karney walon ko aur dost rakhta hai pak honay walon ko" (Surah Baqra Ayat 222) Issi tarhan Hazrat Ibn e Abbas sey riwayat hai kay Hazrat Muhammad (P.B.U.H) ney farmaya kay jab koi shakhs apni biwi sey Haez mein mubashrat karey to nisf denar sadqa dey. (Tirmizi) Agarcha islam mein mahwaari (menses) mein aurat sey mubashrat (Intercourse) bilkul mana hai magar iss kay jism ka doosrey hisson sey lutf andoz honay ki ijazat hai. Hadees e Nabwi (SAW) hai kay Hazrat Anas Bin Maalik farmatey hain kay yahoodion mein kisi aurat ko haez aata to isey na apney sath khilatey na apney sath gharon mein rakhtey. Sahaba ney Hazrat Muhammad (P.B.U.H) sey sawal kara to iss per Hazrat Muhammad (P.B.U.H) ney irshad farmaya mubashrat kay siwa har shaey karo.

Premenstrual Syndrome

Mahwaari Mein Mood Ki Tabdeeliyan Headache kay elawa inki self esteem aur self confidence bohut hi low ho jati hai. Yeh symptoms PMS yani premenstrual syndrome kehlata hai. Inn dino aurton mein crimes ka rate zyada ho jata hai. France mein inn dinon mein honay waley crimes per PMS ki wajah sey saza mein narmi ki jati hai. Chunancha famous American Dr. Edgar Berman ney kaha tha kay koi aurat mood kay iss change ki wajah sey kisi ahem position kay liye unfit hai. (Hyde) Isi liye Islam mein mard ko family ka sarbarah banaya hai aur zindagi ki zyada tar aur zyada ahem responsibilities aurat kay bajaey mardon kay shoulders per dali gaee hain. Isi liye Islam mein kisi country mein aurat ki surbarahi ki gunjaesh nahi. Mahwaari (menses) sey pehley inn symptoms kay elaj kay liye progesterone therapy ki sifarish ki jati hai. Mahwaari (menses) ek napak cheez hai jis cloth per yeh khoon lag jaey iss ko wash kar kay pak kara jaey. Hazrat Asma bint e Abu Bakar riwayat karti hain kay ek aurat ney Hazrat Muhammad (P.B.U.H) sey poocha kay jis kaprey ko haez lag jaey to kya karein. Hazrat Muhammad (P.B.U.H) ney farmaya kay isko chutkiyon sey mal kar pani sey dho dalna chahiyie aur phir iss mein namaz ada kari jaey. (Bukhari, Muslim) Ek muslim khatoon jitney din mahwaari (menses) ki halat mein rahey itney din namaz na parhey, ramazan hun to rozey na rakhey lekin rozey baad mein qaza rakhna farz hain. Albatta itney dino ki namazein maaf hain. Hazrat Muhammad (P.B.U.H) ka irshad hai. Farmaya kay jin dinon mein haez aaey inn mein namaz chordey, phir nahaey aur har namaz kay waqt wuzu karey aur namaz parhey aur rozey rakhey. (Abu Dawood)

Premenstrual Syndrome - Mahwaari Mein Mood Ki Tabdeeliyan

Jin larkiyon ko shuru shuru mein mahwaari (menses) sahi time per nahi aati hai inko bhi kuch arsey kay baad khud hi mahwaari (menses) sahi waqt per aur regular honay lagti hai. Baloghat kay ibtidaee daur mein mahwaari (menses) usually irregular hoti hai. Agar mahwaari (menses) mein bohut zyada irregularity ya khoon flow ho ya khoon ka ikhraj bohut zyada miqdar mein honay lagey to kisi achey doctor sey contact karein. (Kawal Dheer) Menstrual cycle mamooli diseases maslan flu waghaera sey disturb ho jata hai. Iss tarhan tension, udaasi, depression, anxiety, stress, khauf, trauma aur kharab general sehat ki wajah sey bhi disturb ho kar band ho jata hai. Lehaza inn dino aap ki sehat achi honi chahiyie aur aap ko zehni tor per pur sukoon hona chahiyie. Menstrual cycle kay doran aurat kay mood mein changes (premenstrual syndrome) aati hain maslan kay waqt aurat ka mood positive hota hai. Iss ka self confidence aur self esteem urooj per hotey hain. Magar mahwaari (menses) sey 2 ta 7 din pehley mood negative ho jata hai. Iss doran khawateen ki big ta'adad 75% sey bhi zyada tension, depression, anxiety, irritability, thakawat, death aur paralyze honay ka shadeed khauf mehsoos karti hain.

Menses Cycle - Haezi Chakkar - Mahwaari

Mahwaari (menses) kay elawa kisi beemari ki wajah sey bhi khoon aata hai jis sey istihaza kehtey hain aur child birth kay baad aaney wala khoon nifas kehlata hai. (Mobeen) Menses cycle usually 28 din ka hota hai. Yani har 28 din kay baad mahwaari (menses) hoti hai. Magar baaz khawateen ka cycle kam days (22 days) aur baaz ka zyada (40 days) ka bhi ho sakta hai. Yeh badal bhi sakta hai yani kabhi 28 days aur kabhi 32 days ka. Yeh sab kuch normal hai. Mahwaari kay shuru mein red aur blackish khoon aata hai. Yani yeh khoon bilkul red nahi hota shuru mein yeh zyada aata hai magar ek din baad iss ki miqdar kam hojati hai. 3rd aur 4th day iss ka colour change ho jata hai. Hatta ka yeh ratoobat bilkul khatam ho jati hai. Iss ki miqdar sab larkiyon mein baraber nahi hoti. Kisi ka zyada aur kisi ka kam. Mahwaari (menses) sara khoon nahi hota. Iss mein 50% khoon aur baqi doosra material hota hai aur yeh khoon doosrey khoon ki tarhan jamta nahi hai. (Pregnancy) kay doran mahwaari (menses) band hojati hai. Magar baaz auqat jari rehti hai. Aisa bohut hi kam hota hai. Iss mein pareshan honay ki zaroorat nahi aur na hi iss ka elaj karaney ki zaroorat nahi. Mahwaari (menses) ka silsila usually 45 years tak chalta hai aur phir band ho jata hai. Kabhi kabhi mahwaari (menses) shuru honay kay waqt iss kay cycle mein kharabi hojati hai. Baaz larkiyon ko zindagi mein first time mahwaari (menses) aaney kay baad 2nd time ya next time mahwaari (menses) 28 din kay baad nahi aati bul kay kuch haftey (weeks) ya kuch months kay baad aatey hain. Kuch larkiyon ko shuru hi sey mahwaari (menses) baqaida waqt per aaney lagti hai.

Menses - Mahwaari

kiya jab aurat ko ehtelam ho to usper nahana wajib hai. Hazrat Muhammad (P.B.U.H) ney farmaya han, jab pani dekhey (Bukhari, Muslim) taham iss sey roza nahi tootta. Mahwaari (menses) Mein club sey wapis aya hi tha ka biwi ney mujhey bataya kay meri ek cousin aaj bey hosh ho gaee aur iss ko doctor kay pass ley jaya gaya. Mein pareshan ho gaya aur foran doctor sey contact kya aur maloom hua kay usko first time mahwaari (menses) aaee hai. Chunkey iss ko iss ka kuch pata nahi tha iss liye woh khoon dekh kar khauf zada ho kar bey hosh hogaee. Larki jab baloghat ki manzil mein dakhil hoti hai to iss kay jism mein ahem tareen change yeh aata hai kay iss ko mahwaari (menses) aaney lagti hai. Yeh ek fitri function hai. Yeh Allah ka inam hai kay iss sey aurat ki takmeel ho jati hai aur woh mother banney kay qabil ho jati hai. Mother jo duniya mein sab sey mohtaram hasti hai, jis kay qadmon mein jannat hai. Mahwaari (menses) usually 6 ta 16 saal ki umer mein shuru hoti hai. Zyada tar larkiyon ko 10 ta 14 saal kay doran shuru hoti hai jo usually 2 ta 8 din aur zyada tar 4 ta 6 din jari rehti hai. Agar yeh 18 saal kay baad bhi shuru na ho to kisi doctor sey mashwara kya jaey. Larkiyon ko iss age sey pehley iss ka pata hona chahiyie takay woh khaufzada ho kay beyhosh na hojaein. Mahwaari (menses) ki duration Islam mein kam sey kam 3 din aur 3 raat hai yani poorey 72 hours aur zyada sey zyada 10 din aur 10 raat hai. Imam Maalik aur Imam Shafai kay nazdeek ek mahwaari (menses) ki zyada sey zyada duration 15 din hai jab kay Imam Abu Hanifa kay nazdeek 10 din hai.

Female Masturbation - Khawateen Mein Musht Zani

Hite kay survey kay mutabiq 82% American khawateen(female masturbation) karti hain jab kay 95% hasil kar leti hain. Interesting baat yeh hai kay mard baloghat kay ibtedai daur mein zyada musht zani (masturbation) kartey hain jab kay American khawateen zyada tar 30 years ki age kay baad musht zani (masturbation) karti hain. Ek aur survey kay mutabiq America mein musht zani (masturbation) karney wali 18 years ki girls ki taadaad 59% hai jab kay 18 years kay boys ki ta'adad 80% hai. Ek aur report kay mutabiq west mein zyada ter khawateen 40 ya 50 years ki age mein zyada musht zani (masturbation) karti hain. 1985 ki ek research ka mutabiq America mein 66% un-married aur 56% married khawateen musht zani (masturbation) karti hain. America mein aurton ko musht zani (masturbation) ki baqaida training di jati hai takay agar husband wife ko satisfy na kar sakey to woh khud hi apney aap ko jinsi sukoon muhayya kar lein. Pakistan mein khawateen mein musht zani (masturbation) ki aadat kam hai. Merey paas sirf ek larki iss masley kay elaj kay liye aaee. Tahem meri ek student khatoon mahir e nafsiyat ka khayal hai kay hamarey yahan bhi khawateen mein musht zani (masturbation) kuch kam nahi. Aurtein mubashrat (Intercourse) mein taqreeban 5 to 10 minute mein orgasm hasil karti hain. Sherry Hite kay survey kay mutabiq musht zani (masturbation) mein aurtein usually 4 minutes mein orgasm hasil kar leti hain.

Female Masturbation - Khawateen Mein Musht Zani

Tahem sexually sensitivity kay lehaz sey pistaan (Breast) ka number 3rd hai jiska size kay sath koi ta'alluq nahi. Agarcha big pistaan (Breast) dekhney mein khubsoorat lagtey hain (Har shakhs ko nahi) magar aurat ki bharpoor mein pistaan (Breast) size ki koi khas ahmiyat nahi bul kay tareeqa ahem hai. Jinka ham apni next book mein tafseel ka sath zikar karaingai. (Dastoor) Chotey Pistaan (Breast) Mein Doodh Ki Kami Hoti Hai? Kuch arsa pehley ek sahib ney mujhey call ki. Inki new marriage thee. Woh apni wife ka pistaan (Breast) size kay hawaley sey fikarmand thay jo kay unkay khayal mein bohut hi chotay thay. Inko bataya gaya kay pistaan (Breast) size kay aurat ki jinsi zindagi kay sath koi ta'alluq nahi. Inko asal fikar iss baat ki thee kay inn mein itna milk aa jaey ga kay inn ka babies ka pait bhar sakey. Yani woh bharpoor andaz sey apney bachon ko feed kar sakey gi. Pistaan (Breast) chahey kitna hi chotey kyun na ho milk paeda karney mein kotahi nahi kartey hain. Kisi aur wajah sey milk mein kami ho sakti hai magar pistaan (Breast) kay chotey honay sey milk mein kami nahi hoti.